Paštovaja skrynka
Kastusiu T. z Homiela. Usio XX st. my nie pierastajem ździŭlacca tamu, što jašče žyviem jak nacyja. Niahledziačy ni na što! A kab i nadalej ciešycca z hetkaj radaści, my nie pierastajem praročyć sabie skon — ci to ad akupantaŭ, ci to ad svaich vyradkaŭ. Atrymlivajecca začaravanaje koła. Kab parvać jaho, treba siłamoc prymusić siabie žyć saboju tut i ciapier — u vialikim i małym. A kali zaminajuć — baranić svajo prava. Razvahi pra ŭsialakija losy dy nakanavańni nacyi — heta chvaroba, narkatyčnaja zaležnaść: paciešyśsia sabie, što Žyvie Biełaruś, a vyjdzieš na vulicu — pačynajecca łomka.
Adamu B. z Baranavičaŭ, Janu V. ź Miensku. Źlistujciesia Vy z hazetaj «Šah» sami, adkažycie sp.Hutkoŭskamu, vykazaŭšy svaje dumki nakont «Našaj Nivy». Prablemy tam niama. Usia prablema, što była ŭ nas recenzija na jahonuju kasetu — admoŭnaja, voś čałavieka i zaniało.
Eduardu K. z Halšanaŭ. Faksymilnaje vydańnie «Našaj Nivy» budzie praciahnutaje, nastupny tom maje vyjści ŭžo ŭ pieršym paŭhodździ sioleta. Ale vydavać budzie nie «Biełaruskaja navuka», a vydaviectva «Technalohija», bo mator prajektu, sp.Źmicier Sańko, pierajšoŭ tudy pracavać. Teł. «Technalohii» (017) 227 19 40.
Jacku R. ź Miensku. Pieradamo našamu «kranistu».
Ciapier čytajuć
Radzilnyja damy spaborničajuć, u kaho 3 lipienia narodzicca bolš dziaciej9
Kamientary