Anons
Paraŭnalnaja muzykalohija
Zabejda nie spakušaŭsia Maniuškavym “Lirnikam”, nibyta specyjalna napisanym dla jahonaha hołasu. Nie spakušaŭsia, bo mieŭ honar i nie chacieŭ daremnaje sprečki. Pavažaŭ i svajo, i čužoje – biez usialakaje błytaniny. Byŭ prafesijanałam. Daskanała rabiŭ svaju spravu. Śpiavaŭ toje, što musiŭ śpiavać – ci dziela chlebu nadzionnaha, ci z pačućcia ŭnutranaha abaviazku – nie pytajučysia, ci vartaje jano jahonaje uvahi. Chiba ž nia samy čas u jaho vučycca?
A navučycca ŭ jaho j sapraŭdy možna mnohaha. Mianie zachapiła pierš za ŭsio biezdakornaja hustoŭnaść jahonaha vykanańnia – daskanałaje vałodańnie hukam i kultura pačućciaŭ, amal niedasiažnaja dla pieravažnaj bolšaści ciapierašnich našych śpievakoŭ. “Nu, a hołas?” – zapytajeciesia vy. – “Jak hučyć słaŭny hołas Zabejdy?” Praŭdu kažučy, siońnia siarod biełarusaŭ jość ludzi z hałasami značna pryhažejšymi i macniejšymi, paraŭnalna ź ścipłym Zabejdavym tenaram... “Nu, a jak ža Zabejdavy tryjumfy ŭ La Scala?” – jašče nastojliviej zapytajeciesia vy, i ja iznoŭ mušu vas rasčaravać. Nie było anijakich tryjumfaŭ, a byŭ chiba tolki zvyčajny staž u La Scala, praź jaki prajšła dobraja pałova našych viadučych opernych salistaŭ. Ale niaŭžo Zabejda biez tryjumfaŭ dla nas mieniej darahi, čym z tryjumfami? Hałoŭnaje, što jon da nas viarnuŭsia.
Jak viarnulisia da nas skarby biełaruskich patryjatyčnych piesień u kultavym albomie “Ja naradziŭsia tut”. Viarnulisia, praŭda, nie zusim tak, jak chaciełasia – zamała piesień, zaduža harniru. Vielmi roznymi pavodle svajoj jakaści apynulisia aranžavańni našaje piesiennaje klasyki. Spadabałasia vykanańnie mo najbolš słavutaje biełaruskaje pieśni – “Byvajcie zdarovy”. Spadabaŭsia “Nioman” na muzyku Nieściera Sakałoŭskaha, praśpiavany ŭ narodnym styli, pad hitaru. (Cikava, kolki pracentaŭ słuchačoŭ viedaje, što Sakałoŭski — aŭtar dziaržaŭnaha himnu RB?) Nadta spadabałasia staraja pieśnia na słovy Bujły “Lublu naš kraj, staronku hetu…” Adnak dla taho, kab praśpiavać jaje ŭ bluzavym styli, tre było spačatku hetamu navučycca albo, prynamsi, być niadrennym vakalistam.
Artykuł Julii Andrejevaj pra novyja kampakt-dyski “Ja naradziŭsia tut”, tryjumfatara “Rok-karanacyi”, i “Łastaŭki ŭ stresie” ź pieśniami Michasia Zabejdy – u nastupnym numary “NN”.
Ciapier čytajuć
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary