Łaźniki
“Ščodry dar” — tak nazyvaŭsia čempijanat Biełarusi siarod amataraŭ łaźni, što prajšoŭ 22 červienia. Udzielniki pryjechali ŭ stalicu z roznych rehijonaŭ krainy i navat ź Vilni. Žančyny akazalisia bolš tryvałymi za mužčyn.
Kamandy pa 6 udzielnikaŭ uvachodzili ŭ saŭnu. Za imi praz škło mahli nazirać hledačy, sudździ, doktar i supierniki. Kožny siadzić stolki, kolki moža. Čaćviora pieršych, chto nia vytryvaŭ i vyjšaŭ, vybyvajuć. Astatnija dvoje iduć u nastupny etap spabornictvaŭ. U finale, hałoŭny pryz jakoha — biaspłatnaja pajezdka ŭ Finlandyju, apynulisia 6 mužčynaŭ i stolki ž žančynaŭ.
Najlepšy čas, jaki dahetul pry analahičnych umovach nie demanstravaŭ nichto navat na čempijanatach śvietu, pakazała 43-hadovaja Valancina Ŭiejskaja. Jana vytryvała 24 chviliny 23 sekundy. Siarod mužčynaŭ najlepšy vynik u 44-hadovaha Siarhieja Tryfanava — 21 chvilina 7 sekundaŭ. U jahonaj žonki druhoje miesca siarod žančynaŭ — 24 chviliny 18 sekundaŭ.
Pieršy taki čempijanat u nas adbyŭsia letaś. Tady maładoj žančynie prosta ŭ saŭnie zrabiłasia błaha, ale vychodzić i vybyvać z hulni jana nie pažadała. Daviałosia arhanizataram vyvodzić adtul usiu kamandu, paabiacaŭšy, što ŭsia jana traplaje ŭ finał.
Sioleta nijakich niepryjemnaściaŭ nie adbyłosia. Medkamisija vybrała z 45 pretendentaŭ 40 udzielnikaŭ, u tym liku 9 žančynaŭ. Na letašnim čempijanacie finy, słavutyja svaimi łaźniami, zaŭvažyli: skandynaŭskija žančyny tak doŭha ŭ saŭnie nie vytrymlivajuć… A našyja žanočyja kamandy navat daŭžej za mužčynskija siadziać.
Temperatura ŭ saŭnie padčas spabornictvaŭ — 90 hradusaŭ. Pry vysokaj vilhotnaści (kožnyja 30 sekundaŭ na kamienku vylivałasia paŭlitra vady) usiedzieć tam niaprosta.
Udzielnikam čempijanatu moža stać kožny, chto maje 18 hadoŭ i 5-hadovy “staž” naviedvańnia łaźni. Viek sioletnich udzielnikaŭ — ad 24 da 60 hadoŭ. Jak bačym, u finał vychodziać tyja, kamu za 40. Heta toj vid sportu, dzie hady tolki na karyść.
Alena Aŭčyńnikava
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1818
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?18
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary