Jon vieryŭ u Biełaruś
Artur Volski nie dažyŭ 18 dzion da svajho 78-ha dnia naradžeńnia. Jon naležaŭ da pakaleńnia ŭdzielnikaŭ druhoj suśvietnaj vajny. Redki dla Biełarusi pavarot losu: nacyjanalna śviedamy tvorca apynuŭsia na Dalokim Uschodzie, u flocie. Zastaŭsia žyvy, navučyŭsia canić žyćcio dy jašče bolš palubiŭ Baćkaŭščynu. Volski ŭsio žyćcio rabiŭ biełaruskuju spravu. Vydatnyja dziciačyja knihi, vysokamastackija j sučasnyja, z zapaminalnymi vobrazami, zrabili jaho papularnym. Jon ščodra siejaŭ u dziciačych dušach ziarniatki biełaruskaści. I kali paviejała źmienami, staŭ u šerahi zmaharoŭ za realnuju svabodu Biełarusi. Ustupiŭ u Narodny front, byŭ siabram Sojmu BNF “Adradžeńnie” j Partyi BNF. Praz svaje litaraturnyja kantakty dapamahaŭ Frontu zaviazać pieršyja suviazi z kalehami z Ukrainy, vyjaždžaŭ u litaraturnyja i adnačasova palityčnyja tury ŭ harady j vioski, nie curaŭsia rucinnaje pracy — kiraŭnictva radaju BNF Partyzanskaha rajonu stalicy. A.Volski zaŭsiody ŭznačalvaŭ kalonu veteranaŭ vajny — siabroŭ BNF, jakaja ŭskładała kvietki da manumentu Pieramohi ŭ Miensku, i pryhoža, z uznaharodami špacyravaŭ razam ź inšymi padčas Dnia biełaruskaj vajskovaj słavy. Nienaviśniki biełaruščyny padstupna j žorstka źbili Volskaha paśla vystupu ŭ škole ŭ 1998 h., paśla čaho paet padupaŭ zdaroŭjem. Ale jon praciahvaŭ pisać:
I słaŭna pojdzie ŭsio dy spraŭna.
I zakvitnieje kraj naš hoža.
I zahučyć jak Himn Dziaržaŭny
śpieŭ našych duš – “Mahutny Boža”.
Artur Volski nie dažyŭ da lepšych dzion Biełarusi, u jakija vieryŭ, jakija nabližaŭ usio svajo hodnaje žyćcio. Našyja hłybokija spačuvańni žoncy, synu Lavonu, usim rodnym i blizkim. Chaj budzie jamu biełaruskaja ziamla pucham.
Sojm Partyi BNF
Redakcyja dałučajecca da spačuvańniaŭ
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary