***
NA 1% — da 39% hadavych Nacbank źmienšyć staŭku refinansavańnia i ŭlikovuju staŭku z 21 kastryčnika.
Na 16,7% pavialičyŭsia za vosiem miesiacaŭ ekspart tavaraŭ ź Biełarusi ŭ krainy, jakija nie naležać da SND. Ekspart u krainy SND pamienšaŭ na 6,8%, u tym liku ŭ Rasieju — na 2,1%.
Kožny piaty z 2 młn. 477 tys. pensijaneraŭ aficyjna praciahvaje pracavać. Kraina stareje: ciapier na 100 pensijaneraŭ prypadaje 165 pracazdolnych. Siaredni pamier pensii składaje 80,4 tys. rubloŭ.
3 z 11 učastkaŭ pad pabudovu supermarkietaŭ u Miensku raźmierkavanyja pamiž TAA “Handaloptyma” (2 učastki), što maje ŭžo mini-rynak u Malinaŭcy, dy anhielska-biełaruskim pradpryjemstvam “BiełVilesden” (1 učastak). Chto atrymaje astatnija — budzie viadoma da pačatku 2003 h.
100 tonaŭ — taki abjom budzie mieć novaja pieč-koŭš, jakuju sioleta pastaviać na Biełaruskim metalurhičnym zavodzie. Jana dapamoža pavialičyć vytvorčaść na 18% dy aščadzić elektryčnaść na 5%. Prajekt dy technalohija piečy raspracavanyja aŭstryjskaj kampanijaj “Fest-Alpine”.
NA 4 MŁN. DALARAŬ choča kupić kambajnaŭ u “Homsielmašu” ŭrad Arhientyny.
60,5 MŁN. DALARAŬ skłała zapazyčanaść pa zarobkach u pačatku kastryčnika — heta 20% ad usich naličanych za miesiac hrošaj. Najbolš zavinavacilisia svaim pracaŭnikam kałhasy i saŭhasy (47,2 młn.). Niekatoryja ź ich jašče nie spłacili hrošaj za luty.
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami23
Kamientary