Darahija surodzičy!
Ad imia Rady Biełaruskaj Narodnaj Respubliki vitaju Vas z uhodkami słaŭnaha Słuckaha Zbrojnaha Čynu.
Naš narod maje prava hanarycca słuckimi hierojami, jakija byli hatovyja addać žyćcio, kab žyła Baćkaŭščyna!
Niebiaśpieka niezaležnaści Biełarusi značna zavastryłasia ŭ 2002 hodzie. Łukašenka davioŭ naš kraj nia tolki da poŭnaj izalacyi, ale i da admoŭnaha staŭleńnia da Biełarusi z
| Ivonka Surviłła, Staršynia Rady BNR |
Kali naš narod nie dakaža, što jon źjadnany ŭ zmahańni za niezaležnuju i demakratyčnuju svaju dziaržavu i nie dazvolić, kab uschodni susied iznoŭ jaje paniavoliŭ, Zachad moža dać Pucinu volnuju ruku. A tut niama patreby prypaminać, jak Maskva adnosicca da narodaŭ svajej imperyi, jakija žadajuć z-pad jaje vyzvalicca. Chopić hlanuć na padziei ŭ Čačenii.
I tamu, darahija Surodzičy, karystaju hetuju nahodu, kab Vas zaklikać da salidarnaści z usimi, chto baronić niezaležnaść, demakratyju i dobraje imia našaha kraju. Šanujcie tych, chto zmahajecca za Vaš dabrabyt, za Vašuju hodnaść. Vykazvajcie im svaju padtrymku. Treba, kab śviet pabačyŭ, što narod naš nie pradaść užo svajoj dušy za niekalki "čyrvoncaŭ". A tam, dzie mocnaja duša, i zbroja moža akazacca niepatrebnaja. Samaja mocnaja siła ŭ adzinstvie.
Viedaju, što heta vymahaje z Vašaha boku mužnaści i advahi. Ale ž hetuju mužnaść i advahu mieli našyja papiaredniki, u tym liku hieraičnyja ŭdzielniki Słuckaha Zbrojnaha Čynu. Niaŭžo ŭ nas jaje nia stanie?
Dyk pamažy nam Boža!
Žyvie Biełaruś!
Ivonka Surviłła, Staršynia Rady BNR
27 listapada 2002 h.
Kamientary