Tolki-tolki adbylisia vybary, a ŭrad Hierharda Šrodera ŭžo straciŭ padtrymku niemcaŭ. Pavodle apošniaha sacyjalahičnaha apytańnia, tolki kožny siomy hramadzianin FRN zadavoleny dziejańniami kabinetu.
Upłyvovy časapis “Der Focus” napisaŭ pra mahčymuju daterminovuju adstaŭku Šrodera. A ŭ aŭtorak i sam lider SDPN u kuluarach pryhraziŭ, što sydzie ŭ adstaŭku, bo stamiŭsia ad biespadstaŭnaj krytyki.
Niemcy ŭźnialisia suprać svajho ŭradu, bo toj pastanaviŭ padvysić amal 50 vidaŭ padatkaŭ. Inšaha sposabu vypravić deficyt biudžetu kabinet nie znajšoŭ. Adpaviedna, padaražeje ŭsio — ad benzynu i cyharetaŭ da kvietak i elektraenerhii. Bolš hrošaj treba budzie addavać i na sacyjalnaje zabieśpiačeńnie (pensii, medyčnuju strachoŭku). Zvyčajnamu biurhieru heta abydziecca ŭ kolki sotniaŭ eŭra štohod.
Pryčyna ekanamičnych ciažkaściaŭ u tym, što mahutnaj systemie sacyjalnaha zabieśpiačeńnia nie chapaje srodkaŭ. Źjaviłasia masa ludziej, što parazytujuć na sacyjalnych harantyjach dziaržavy i zusim nia chočuć pracavać. Mahčymaściu nie pracavać i atrymlivać sacyjalnuju dapamohu — Sozialhilfe — FRN pryvabiła i mnostva inšaziemcaŭ. Mnohija ź ich hadami žyvuć na ŭtrymańni. Za ŭsio ž treba płacić zvyčajnym niemcam.
Siarhiej Radštejn
Kamientary