10 studzienia 2003
Skruhleńnie cenaŭ
Z 10 studzienia pačnuć skruhlać ceny, jakija z hetaha dnia musiać skančacca na «0» ci na «5». Kali cana mienšaja za tysiaču, skruhlać buduć na piać rubloŭ. Prykładam, 12 rubloŭ — da 10-ci, a 13—17 — da 15-ci, 18—19 — da 20-ci. Ceny i taryfy, bolšyja za tysiaču, skruhlajucca z dakładnaściu da dziesiaci rubloŭ.
Nacbank dazvoliŭ mikrakredyty
Nacbank unios źmieny ŭ praviły, jakija rehulujuć vydaču kredytaŭ bankami krainy. Banki buduć mieć prava vydavać kredyty nasielnictvu na nabyćcio aŭtamabilaŭ u zamiežnych pradaŭcoŭ, pry hetym valutu budzie nieabaviazkova pradavać na ŭnutranym rynku. Praduhledžanaja taksama mahčymaść vydavać pradprymalnikam mikrakredyty (da 10 tys. dalaraŭ). U vypadku vydačy mikrakredytu ci kredytu na vypłatu zarobkaŭ, banki nie abaviazanyja kantralavać, ci vykarystoŭvajucca jany na adpaviednyja mety.
Biznes-centry
Mienharvykankam atrymaŭ užo 10 zajavaŭ ad kampanijaŭ, jakija žadajuć sioleta budavać u Miensku bujnyja biznes-centry. Ułady vydzialili pad pabudovu biznes-centraŭ placoŭki na praspekcie Dziaržynskaha, vulicy Prytyckaha, na rahu vulicaŭ Płatonava i Čapajeva, la stancyi metro «Praletarskaja» dy ŭ mikrarajonie «Ŭschod». Kožny centar budzie mieć płošču ad 10 da 400 tys. kv.m, na jakich raźmieściacca nia tolki ofisy, ale j zabaŭlalnyja ŭstanovy.
«Kamintern» mianiaje brend
Homielskaje AT «Kamintern» vyrašyła źmianić nazvu. Kiraŭnictva fabryki ličyć brend, jaki rasšyfroŭvajecca jak «kamunistyčny internacyjanał», niekankurentnazdolnym u sučasnych umovach. Novuju nazvu musiać prydumać da 20 studzienia. Za najlepšy varyjant navat prapanujuć premiju – 200 tys. rubloŭ.
Ačakava nabudzie słucki brovar
Maskoŭski brovar «Ačakava» padpisaŭ z słuckim brovaram damovu pra ŭzajemnyja namiery. Namiery viadomyja: «Ačakava», jakoje, u adroźnieńnie ad bolšaści rasiejskich brovaraŭ, było zasnavanaje pry ŭdziele vyklučna rasiejskaha kapitału, maje ŭkłaści ŭ zavod 30 młn. dalaraŭ investycyjaŭ. Dziaržava ž, jakoj naležyć kala 90% akcyjaŭ brovaru, abiacaje pieradać rasiejcam kantrolny pakiet.
A.K.
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary