Zapisy Franca Siŭko
* * *
U Biešankovickuju parafiju ksiondz małady pryjechaŭ, Aleh Budkievič. I za karotki čas pryvabiŭ nia tolki katalikoŭ, a i šmat ludziej starońnich. Karpatlivaju pracaj svajoj, abychodlivaściu, biełaruskaściu niepadrobnaju, vykštałconaj. Hetaksama hodna i apantana Alaksandar Rahinia na Pastaŭščynie, Viačasłaŭ Pialinak u Drui i Paviaćci ščyrujuć. Z dabrom iduć da ludziej, dabrom i adhukajecca.
A my ŭsio, biaździejnaść ułasnuju apraŭdvajučy, na lud narakajem. I ciomny jon u nas, i durny, i zbydlačany. Nibyta sami nie z taho katucha.
* * *
Dzied u vosiemdziesiat z hakam na rovary za try viarsty pryjaždžaŭ halicca. U portkach spartovych, na hałavie — kapialuš, vakoł šyi — chuścina čyrvonaja nakštałt pijanierskaha halštuka. Usio žyćcio — u vioscy, u pracy piakielnaj, a voś ža — choć u kino za hieroja-paluboŭnika. Askiepak cyvilizacyi haspadarskaj, tryvuščaści j hodnaści ŭvasableńnie. I šmat takich, tolki nie zaŭvažajem, samajedztvam dy razborkami svaimi zaniatyja.
* * *
U spadaryni Evy, polki z Kanady, muž u Maskvie pracuje.
— Šmat zarablaje? — pytajemsia niejak.
— O, navat kazać niajomka, — bahačka ŭśmichajecca. — Paviercie, dastatkova, kab zaprasić vas u kaviarniu.
Na nastupny dzień, padčas ekskursii ŭ Asyzy, niepiareliŭki ŭ našaj Evy: partmanet z sumki vyciahnuli.
— Vosiemdziesiat dalaraŭ! — zajenčyła rospačliva. — Voś, mieła zaprasić vas dzie pasiadzieć — dyk ciapier užo vybačajcie!
* * *
Maci na vadzie dźvinskaj hadavałasia. Padčas vajny dziciom poštu pieravoziła na łodcy na łatyski bok. Łodka pierakuliłasia na siaredzinie raki, musiła małaja ratavacca. Da bierahu dapłyła, a listoŭ z dałoni nia vypuściła. Ale vady z taje pary bajacca stała.
Kali byŭ klasie ŭ piataj, vypravilisia ŭdvaich ź joju ŭ Bihosava truskałki pradavać. A pieravozčyk — pjaniutki, dy jašče i łodku siudy-tudy, kab napałochać, naŭmysna hajdaje. Pamiataju, jak prychinuła mianie da siabie i ŭsio žahnałasia.
Niezadoŭha da jaje śmierci la raki razam byli, kali na pracu ŭ Drysu praz Krasłaŭščynu dabiraŭsia. Na chvali pakazała, tuzanuła da siabie:
— Nie płyvi, patonieš jašče!
Adpichnuŭ jaje dy i papłyŭ da druhoha bierahu. Samaje bolšaje, pra što pa siońniašni dzień škaduju.
Poŭny varyjant artykułu hladzicie ŭ hazecie "Naša Niva".
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary