У праграме фэстывалю заяўлены выступленні больш чым 30 гуртоў з Беларусі, Украіны, Літвы і Польшчы.
У праграме фестывалю заяўлены выступленні больш чым 30 гуртоў з Беларусі, Украіны, Літвы і Польшчы. Сярод беларускіх удзельнікаў — «S.D.M.», «Палац», «Tav.Mauzer», «Parason», «Znich», «Крамбамбуля», «Крама», «Нейра Дзюбель», «N.R.M.» і іншыя каманды.
20 ліпеня ў межах фестывалю пройдзе конкурсная праграма, у якой возьмуць удзел 10 гуртоў — фіналістаў адборачнага тура. Удзел у конкурсе возьмуць мінскія каманды «РоСтра», «SKA!RB», «Sok», «Termin X», «Unia», «Weeping Twilight», «ZigZag», а таксама «Фляус і Кляйн» (Наваполацк) і «Indra» (Полацк). Дзесяты гурт — «Lilith» (Мінск) — заняў першае месца па выніках інтэрнет‑галасавання на музычным партале «Тузін гітоў» і стаў ўдзельнікам «Басовішча» без адборачнага канцэрта.
Як паведаміў БелаПАН каардынатар «Басовішча‑2007» з беларускага боку Аляксей Мінчонак, 20 ліпеня ў межах фестывалю пройдзе Дзень радыё «Рацыя». Радыёстанцыя будзе трансляваць выступлення ўдзельнікаў фестывалю праз інтэрнет‑сайт bas.racyja.com.
21 ліпеня «Рацыя» прэзентуе слухачам кампазіцыі лаўрэатаў конкурсу. Web‑каманда радыёстанцыі плануе весці жывы рэпартаж з фестывалю, на сайце будуць размяшчацца фота‑ і відэаматэрыялы.
На адкрыццё фестывалю плануе прыехаць лідэр руху «За Свабоду», экс‑кандыдат у прэзідэнты Беларусі Аляксандр Мілінкевіч. Як паведаміла БелаПАН прэс‑сакратар палітыка Юлія Коцкая, паездка мае нефармальны характар: А.Мілінкевіч будзе слухаць выступленні музыкантаў, а таксама гутарыць з моладдзю і аматарамі беларускай музыкі.
Цяпер чытаюць
Прапагандысты запэўніваюць, што 196 палітвязняў ужо на свабодзе7
Каментары