Гістарычная драма Джэймза Айвары і крымінальны рэмэйк Ніла Джордана.
АНТ, 23.45
Джэфэрсан у Парыжы (Jefferson in Paris)
ЗША – Францыя, 1995, каляровы, 139 хв.
Рэжысэр: Джэймз Айвары
Ролі выконваюць: Нік Нолт, Гўінэт Пэлтраў, Эстэл Эонэт, Тандзі Ньютан, Тод Бойс, Сэт Гіліам, Найджэл Ўітмі, Нікалас Сілбэрг
Жанр: Гісторыка-біяграфічная драма
Прызы: Намінацыя на “Залатую галіну” Канскага фэсту
Адзнака: 6 (з 10)
Томас Джэфэрсан стаў амбасадарам Злучаных Штатаў у Францыі наконадні Францускае рэвалюцыі. Інтрыгі й раскоша вышэйшага сьвету, ідэі свабоды, што лунаюць у паветры, заняпад арыстакратыі – і прадчуваньне выбуху…
Джэймз Айвары – рэжысэр, які выдатна адчувае атмасфэру старых эпохаў. Трапныя і шыкоўныя касьцюмы, паветра думак і позіркаў, грукат і пошум часу. Але ў цэнтры ў Айвары – чалавек і праблемы ягонага сэрца.
Лад, 00.15
Добры злодзей (The Good Thief)
Ірляндыя – Вялікабрытанія – Канада – Францыя, 2002, каляровы, 108 хв.
Рэжысэр: Ніл Джордан
Ролі выконваюць: Нік Нолт, Чэкі Карыё, Жэрар Дармон, Саід Тагмаўі, Патрыцыя Кел, Эмір Кустурыца
Жанр: Крымінальная драма паводле фільму Жана-П’ера Мельвіля “Боб – гулец”
Прызы: Прыз Мадрыдзкага кінафэсту за найлепшую апэратарскую працу (Крысу Менгес), намінацыя на галоўны прыз кінафэсту ў Сан-Сэбасьцьяне (Ніл Джордан)
Паўтор карціны Жана-П’ера Мельвіля, пастаўлены Нілам Джорданам.
Афэрыст Боб вяртаецца на Францускую Рыўеру, каб абрабаваць казіно. Пад пільным позіркам інспэктара паліцыі Ражэ ён зьбірае шахраяў і авантурнікаў. Хто каго пераіграйе? Хітры Боб задумаў два налёты: і толькі адзін зь іх будзе сапраўдным…
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей3
Каментары