Пра гэта заявіў сілавы ўкраінскі віцэ-прэм'ер Віталь Ярэма ў Палтаве, дзе ўчора пахавалі загінулага спецназаўца Генадзя Білычэнку.
Паводле яго слоў, няма ніякага сумневу, што на ўсходзе Украіны дзейнічаюць элітныя войскі РФ. Гэта прадстаўнікі падраздзялення 45-ы гвардзейскі полк паветрана-дэсантных войскаў Купянка-1, які раскватараваны каля Масквы. Цяпер гэта падраздзяленне знаходзіцца на тэрыторыі Украіны.
«Таму, усе словы Пуціна і Лаўрова пра тое, што тут адсутнічаюць расійскія войскі — гэта ўсё хлусня», — сказаў Ярэма.
Таксама ён распавёў, што генпракуратура завяла крымінальную справу па факце тэрарызму і забойстваў, і забойцы афіцэра «Альфы» будуць абвешчаныя ў міждзяржаўны вышук.
«Але я спадзяюся, што гэтыя асобы будуць знішчаныя, а не затрыманыя», - сказаў Ярэма.
Загінулага Генадзя Білычэнку за праяўлены гераізм прадставяць да ўзнагароды.
Каментары