Данецкія сепаратысты выставілі свае ўмовы: адстаўка Вярхоўнай Рады і Турчынава
Прарасійскія сепаратысты ў Данецку кажуць, што не пакінуць будынак аблсавета насуперак патрабаванням уладаў Кіева і новаму міжнароднаму пагадненню па Украіне.
Прадстаўнік самаабвешчанай «Данецкай народнай рэспублікі» Аляксандр Гняздзілаў заявіў Бі-Бі-Сі, што яго група вызваліць уладны будынак толькі тады, калі «незаконная», па яго словах, улада Кіева вызваліць парламент і адміністрацыю прэзідэнта.
Іншы лідар «пратэсту» ў Данецку заявіў, што сепаратысты не кінуць свае пазіцыі, пакуль праеўрапейскія дэманстранты на Майдане ў Кіеве не згорнуць свой гарадок.
У сваю чаргу, намеснік кіраўніка так званага «Народнага апалчэння Данбаса» Сяргей Цыплакоў заявіў РІА «Навіны», што яго людзі вызваляць адмінбудынкі і складуць зброю толькі ў тым выпадку, калі кіеўская ўлада вызваліць іх прыхільнікаў і пагодзіцца на рэферэндум аб вызначэнні статусу рэгіёнаў.
Цяпер чытаюць
У Пскове расіянін забіў беларуса Валерыя за тое, што той патрабаваў паважаць беларускую нацыю5
Каментары