Danieckija sieparatysty vystavili svaje ŭmovy: adstaŭka Viarchoŭnaj Rady i Turčynava
Prarasijskija sieparatysty ŭ Daniecku kažuć, što nie pakinuć budynak abłsavieta nasupierak patrabavańniam uładaŭ Kijeva i novamu mižnarodnamu pahadnieńniu pa Ukrainie.
Pradstaŭnik samaabvieščanaj «Danieckaj narodnaj respubliki» Alaksandr Hniaździłaŭ zajaviŭ Bi-Bi-Si, što jaho hrupa vyzvalić uładny budynak tolki tady, kali «niezakonnaja», pa jaho słovach, ułada Kijeva vyzvalić parłamient i administracyju prezidenta.
Inšy lidar «pratestu» ŭ Daniecku zajaviŭ, što sieparatysty nie kinuć svaje pazicyi, pakul prajeŭrapiejskija demanstranty na Majdanie ŭ Kijevie nie zhornuć svoj haradok.
U svaju čarhu, namieśnik kiraŭnika tak zvanaha «Narodnaha apałčeńnia Danbasa» Siarhiej Cypłakoŭ zajaviŭ RIA «Naviny», što jaho ludzi vyzvalać adminbudynki i składuć zbroju tolki ŭ tym vypadku, kali kijeŭskaja ŭłada vyzvalić ich prychilnikaŭ i pahodzicca na refierendum ab vyznačeńni statusu rehijonaŭ.
Ciapier čytajuć
U Francyi ad śpioki zahinuŭ dalnabojščyk z Dokšycaŭ6
Kamientary