«Ён двое сутак не адказваў на тэлефанаванні. У яго быў канцэрт, але ён не з'явіўся на яго, — расказвае сябар памерлага, прадпрымальнік Алесь Суша. — Тады бацькі і былая жонка неяк змаглі трапіць у кватэру ў Зялёным Лузе. Цяпер там аператыўнікі, спрабуюць высветліць, што здарылася».
«Судмедэксперт дапускае, што магло быць не забойства. Ускрыццё пакажа», — напісала ў фэйсбуку Марына Сідаровіч.
Зміцер Сідаровіч нарадзіўся ў 1965 у Мінску. Музыка, бард, дудар. У 1991 стварыў гурт «Камелот». Выпусціў кнігу вершаў «Тры жалуды». Аўтар-складальнік даведніка «Вялікія музыкі ХХ стагоддзя». Акрамя бардаўскай песні актыўна займаўся фальклорам. Адраджаў дуду. У 2000 удзельнічаў у альбоме «Вір» гурту «Стары Ольса».
У 2000 Зміцер Сідаровіч разам з гуртамі «Стары Ольса» і «Contredanse» запісаў зборны альбом «Вір» (выйшаў у 2001).
«Следчая група УСК па Мінску працуе ў кватэры Змітра Сідаровіча, дзе сёння ён бы знойдзены без прыкметаў жыцця. Праводзіцца агляд месца здарэння. Пра вынікі паведамім», — напісала ў фэйсбуку прэс-сакратарка Следчага камітэта Юлія Ганчарова.
Пазней Ю. Ганчарова паведаміла ў фэйсбуку:
«Завершаны агляд месца здарэння. Прыкмет гвалтоўнай смерці аглядам не ўстаноўлена. Бачных цялесных пашкоджанняў на целе памерлага няма.
Прызначана судова-медыцынская экспертыза, якая вызначыць дакладную прычыну смерці З.Сідаровіча. УСК па Мінску пачата даследчая праверка».
***
Развітанне з бардам адбудзецца 21 мая. Час і месца будуць удакладненыя.
Цяпер чытаюць
«Ні тады, ні сёння я не лічу, што зрабіў штосьці кепскае». Дзядок шчыра расказаў пра былыя адносіны з 16‑гадовай дзяўчынай32
Каментары