Міністэрства эканомікі Беларусі праверыць наяўнасць цэнавай змовы на ўзроўні птушкафабрык. Калі факт такой змовы будзе ўстаноўлены, цэны на паўфабрыкаты з мяса птушкі могуць знізіцца.
«У сувязі са значным павелічэннем рознічных цэн у маі на паўфабрыкаты з мяса птушкі ў мэтах выяўлення цэнавых змоў Дэпартамент цэнавай палітыкі Мінэканомікі накіраваў адпаведныя запыты птушкафабрыкам аб узроўні адпускных цэн на гэтую прадукцыю і прычынах іх змены», — паведамілі БелаПАН у прэс- службе Мінэканомікі.
Калі факты цэнавай змовы будуць выяўлены, вінаватыя будуць прыцягнутыя да адміністрацыйнай адказнасці.
«Выяўленне цэнавай змовы пагражае штрафнымі санкцыямі і «адкручваннем» цэнаў у адваротны бок», - растлумачылі ў міністэрстве.
Лімітавая максімальная адпускная цана на мяса куранят- бройлераў (у тушках) устанаўлівае Мінэканомікі, а адпускныя цэны на паўфабрыкаты - сам вытворца.
У трэцяй дэкадзе мая для выраўноўвання адпускных цэн на мяса птушкі (у тушках) з расійскім узроўнем Мінэканомікі павысіла гранічныя максімальныя адпускныя цэны на гэтую прадукцыю на 10%.
Разам з тым, папярэднія вынікі маніторынгу, праведзенага Міністэрствам эканомікі, далі падставы меркаваць, што падаражэнне паўфабрыкатаў не супастаўна з тым узроўнем змены адпускных цэнаў, які быў раней вызначаны дзяржавай.
Варта адзначыць, што цэны на мяса птушкі і паўфабрыкаты з яго выраслі на фоне дэфіцыту свініны, які, у сваю чаргу, стаў вынікам памяншэння пагалоўя з-за барацьбы ўладаў з афрыканскай чумой свіней.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны36
Каментары