Wargaming выключаны з каціровачнага спісу Кіпрскай фондавай біржы
Кіпрская фондавая біржа спыніла 13 студзеня каціроўкі акцый Wargaming, распрацоўшчыка папулярнай гульні World of Tanks. Біржа ўжо атрымала дазвол на дэлістынг папер кампаніі ад мясцовага рэгулятара, паведамляюць «Ведомости».
У снежні 2014 года рада біржы папрасіла Камісію па каштоўных паперах Кіпра дазволіць правесці дэлістынг акцый распрацоўшчыкаў World of Tanks. Кампанія Wargaming не выконвала шэраг патрабаванняў біржы, сярод якіх публікацыя фінансавых справаздач.
«Прысутнасць на біржы не адпавядае стратэгічнаму вектару развіцця Wargaming і таму немэтазгодна», — заяўляў раней прадстаўнік кампаніі. Паводле яго словаў, зыход з біржы ніяк не адаб'ецца на фінансавых паказніках Wargaming.
Па звестках за красавік 2013 года у свабодным абароце знаходзілася прыблізна 2% акцый кампаніі. Астатнімі валодаюць заснавальнік і гендырэктар Віктар Кіслы, яго бацька і два іншыя топ-менеджары кампаніі.
Каментары