За сакавік золатавалютныя рэзервы Беларусі ў вызначэнні стандарту МВФ скараціліся на 90,8 млн даляраў ЗША і па папярэдніх звстках склалі на 1 красавіка 4 млрд. 560,5 млн даляраў ЗША, паведамляе прэс-служба Нацыянальнага банка.
У нацыянальным вызначэнні аб'ём золатавалютных рэзерваў зменшыўся на 262,8 млн даляраў і на 1 красавіка склаў 4 млрд. 993,3 млн даляраў ЗША ў эквіваленце.
На зніжэнне аб'ёму золатавалютных рэзерваў аказала ўплыў пагашэнне ўрадам і Нацыянальным банкам знешніх і ўнутраных абавязацельстваў у замежнай валюце ў поўным аб'ёме, адзначылі ў прэс-службе рэгулятара.
«Падтрыманню золатавалютных рэзерваў спрыялі паступленні ад збірання экспартных пошлін на нафтапрадукты, а таксама дадатнае сальда куплі-продажу Нацыянальным банкам замежнай валюты на таргах у ААТ «Беларуская валютна-фондавая біржа», заяўляюць у Нацбанку.
Нагадаем, на 1 студзеня 2015 золатавалютныя рэзервы складалі за 5 млрд. 59 млн даляраў ЗША (на 1 студзеня 2014 года - 6 млрд. 651 млн даляраў ЗША).
У лютым ЗВР знізіліся на 73,5 млн даляраў. Такім чынам, за тры месяцы 2015 агульнае скарачэнне золатавалютных рэзерваў Беларусі, разлічаных па метадалогіі МВФ, склала 498,7 млн даляраў ЗША.
Цяпер чытаюць
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч19
Каментары