Za sakavik zołatavalutnyja reziervy Biełarusi ŭ vyznačeńni standartu MVF skaracilisia na 90,8 młn dalaraŭ ZŠA i pa papiarednich zvstkach skłali na 1 krasavika 4 młrd. 560,5 młn dalaraŭ ZŠA, paviedamlaje pres-słužba Nacyjanalnaha banka.
U nacyjanalnym vyznačeńni abjom zołatavalutnych reziervaŭ źmienšyŭsia na 262,8 młn dalaraŭ i na 1 krasavika skłaŭ 4 młrd. 993,3 młn dalaraŭ ZŠA ŭ ekvivalencie.
Na źnižeńnie abjomu zołatavalutnych reziervaŭ akazała ŭpłyŭ pahašeńnie ŭradam i Nacyjanalnym bankam źniešnich i ŭnutranych abaviazacielstvaŭ u zamiežnaj valucie ŭ poŭnym abjomie, adznačyli ŭ pres-słužbie rehulatara.
«Padtrymańniu zołatavalutnych reziervaŭ spryjali pastupleńni ad źbirańnia ekspartnych pošlin na naftapradukty, a taksama dadatnaje salda kupli-prodažu Nacyjanalnym bankam zamiežnaj valuty na tarhach u AAT «Biełaruskaja valutna-fondavaja birža», zajaŭlajuć u Nacbanku.
Nahadajem, na 1 studzienia 2015 zołatavalutnyja reziervy składali za 5 młrd. 59 młn dalaraŭ ZŠA (na 1 studzienia 2014 hoda - 6 młrd. 651 młn dalaraŭ ZŠA).
U lutym ZVR źnizilisia na 73,5 młn dalaraŭ. Takim čynam, za try miesiacy 2015 ahulnaje skaračeńnie zołatavalutnych reziervaŭ Biełarusi, raźličanych pa mietadałohii MVF, skłała 498,7 młn dalaraŭ ZŠA.
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud15
Kamientary