Кампанія «Белавія» адкрыла сёння авіярух паміж Мінскам і Алматы, паведаміў журналістам намеснік генеральнага дырэктара па маркетынгу і знешнеэканамічнай дзейнасці прадпрыемства Ігар Чаргінец.
Палёты ў Міжнародны аэрапорт Алматы будуць выконвацца два разы на тыдзень у начны час. Час палёту складзе 4 гадзіны 45 хвілін. Мінімальны кошт пералёту ў эканомкласе абслугоўвання складае ад 386 еўра «туды-назад» і ад 208 еўра ў адзін бок (на 29 красавіка 2015 года).
Ігар Чаргінец выказаў надзею, што частата палётаў у Алматы будзе павялічана. «Рэйс «раскачаецца», у яго будзе загрузка, да таго ж авіякампанія атрымае ў наступным годзе яшчэ самалёты Boeing, і мы, магчыма, агульнымі намаганнямі давядзем гэты рэйс да штодзённага», — растлумачыў ён.
Спецыяльна да адкрыцця рэйса кампанія «Белавія» распрацавала новы тарыфны прадукт для пасажыраў. «На рэйсе ў Алматы мы будзем абкатваць новы клас абслугоўвання — прэміум-эканом, які потым будзе даступны і на іншых кірунках», — адзначыў Ігар Чаргінец.
Пры планаванні раскладу палётаў паміж Мінскам і Алматы асаблівая ўвага была нададзеная забеспячэнню двухбаковых стыковак з пунктамі Еўропы і Расіі. Для пасажыраў, якія падарожнічаюць праз Мінск, працэдуры мытнага афармлення багажу ў аэрапорце будуць спрошчаныя. У летнім раскладзе 2015 «Белавія» будзе ажыццяўляць рэгулярныя рэйсы ў пяць гарадоў Казахстана — Алматы, Астану, Караганду, Кастанай, Паўладар.
Цяпер чытаюць
Вось хто той хлопец, які паехаў на праполку бульбы і стаў героем сацсетак7
Каментары