А Вы сутыкаецеся з падобнымі распараджэннямі?
Кіяскёркі ў Мінску атрымалі загад штогадзіны правяраць сцены кіёскаў на налепкі з заклікам да байкоту
Кіяскёркі ў Мінску атрымалі распараджэнне правяраць сцены кіёскаў на налепкі з заклікам да байкоту. Гэтую інфармацыю «Наша Ніва» атрымала ад дзвюх супрацоўніц, якія працуюць у розных сетках кіёскаў.
Жанчынам прадпісана раз на гадзіну выходзіць з кіёска, абыходзіць яго па перыметры і здзіраць налепкі ў выпадку іх з'яўлення.
Паводле нашых звестак, задача такой жа інтэнсіўнасці пастаўлена перад дворнікамі адносна дошак аб'яваў і сценаў на замацаваных за імі ўчастках.
Крытыка тых, хто заклікае да байкоту выбараў, складае таксама галоўны змест дзяржаўных газет за апошні тыдзень.
Нешматлікія налепкі з заклікам да няўдзелу ў выбарчым спектаклі, тым не менш, сустракаюцца на стэндах і афішах у Мінску.
Каментары