На датэрміновае галасаванне студэнты ідуць масава, цэлымі групамі. Хто за выходны і магчымасць паехаць дадому, каго папрасіў куратар, а каго проста запалохалі, што выселяць з інтэрната.
Мы вырашылі адшукаць «героя», які не паддаўся на ўгаворы і вырашыў галасаваць у дзень выбараў. І знайшлі, адну студэнтку БДУ, Волю. Яна жыве ў інтэрнаце, а таму прыходзіць туды, калі ўчастак для галасавання ўжо закрываецца.
Еўрарадыё: Не баяліся, што выселяць з інтэрнату за адмову галасаваць датэрмінова?
Воля: Я не хачу датэрмінова галасаваць. Мяне асабліва не прымушалі, была зацікаўленасць. Кшталту, дзяўчына, пачакайце, а вы будзеце галасаваць? І калі я казала, што збіраюся 11-га ісці галасаваць, здзіўляліся.
Еўрарадыё: Можа, вы неяк асабліва размаўлялі з адміністрацыяй, каб не чапалі?
Воля: Не. Была ў мяне адна хітрынка. Я намагалася прыходзіць у інтэрнат, калі на выбарчым участку перапынак. Ці калі ён ужо закрыўся. То бок проста каб мяне не чапалі.
Еўрарадыё: І праблем пакуль не было?
Воля: У мяне асабіста не. Мне не пагражалі. Хаця некаторых дастаткова катэгарычна спынялі каля ўчастка ў інтэрнаце. Ведаю, што дэканат збіраецца з другім курсам праводізць сход, бо «мала хто прагаласаваў». Майго аднагрупніка досыць жортска адпраўлялі галасаваць, калі ён сказаў, што хоча ісці непасрэдна ў дзень выбараў. Адміністрацыя інтэрната сказала, што яму яшчэ тут год жыць. Бо нібы па законе яго выселіць не могуць.
Еўрарадыё: А хто канкрэтна прымушае галасаваць у інтэрнатах?
Воля: Калі студэнты выходзяць з інтэрната, пачынаецца дыялог паміж студэнтамі і загадчыцай інтэрната. Бо зараз яна сядзіць на вахце.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны29
Каментары