У Мінску 13 лютага на тэрыторыі Верхняга горада адбудзецца рэспубліканская акцыя «Беларусь, я люблю цябе» з арганізацыяй кірмашу спажывецкіх тавараў «Народная марка Беларусі». Пра гэта паведаміла прэс-сакратар галоўнага ўпраўлення спажывецкага рынку Мінгарвыканкама Анастасія Прымака.
Наведнікам мерапрыемства будзе прапанаваная прадукцыя вядучых беларускіх вытворцаў харчовай і лёгкай прамысловасці.
Свае фірмовыя вырабы прадставяць «Камунарка», «Санта Брэмар», «Аршанскі мясакансервавы камбінат», «Быхаўскі кансервава-агароднінасушыльны завод», «Камака», «Анега». Будуць арганізаваныя дэгустацыя прадукцыі, прэзентацыя новых яе відаў і іншыя рэкламныя мерапрыемствы.
Шырокі асартымент швейных, трыкатажных, галантарэйных тавараў, абутку прапануюць вядомыя айчынныя вытворцы, такія як «Элема», «Купалінка», «Славянка», «Галантэя», «Смілавіцкая валюшна-лямцавая фабрыка», «Марка», «БВБА», «Палессе» і іншыя.
На пляцоўцы «Смачна есцi…» госці кірмашу змогуць адпачыць, пакаштаваць бліны з разнастайнымі начынкамі, дранікі, шашлык, прысмакі, стравы традыцыйнай беларускай кухні і многае іншае.
Анастасія Прымака таксама інфармавала, што 13 і 14 лютага на пляцоўцы каля Лядовага Палаца спорту (вул. Прытыцкага, 27) адбудуцца рыбныя кірмашы. Рыбгасы Беларусі па цане вытворцы прапануюць пакупнікам шырокі асартымент жывой сажалкавай і перапрацаванай рыбы. У продажы будуць карп, карась, таўсталобік, белы амур, шчупак, фарэль, сом, асятровыя, а таксама марынаваная, марожаная, вэнджаная, вяленая рыбная прадукцыя. На кірмашах можна будзе не толькі купіць рыбу і рыбную прадукцыю, але і паспрабаваць гарачую духмяную юшку. Рэжым працы — c 9.00 да 16.00.
-
Новае трамвайнае кальцо ў Мінску. Вось як яно выглядае
-
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
-
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося13
Каментары