На Кубе на 92-м годзе жыцця памёр Рамон Кастра, старэйшы брат лідэра кубінскай рэвалюцыі Фідэля Кастра і цяперашняга прэзідэнта Кубы Рауля Кастра.
Рамон Эўсэбіа Кастра Рус не браў удзел у ваенных дзеяннях падчас кубінскай рэвалюцыі 1953-59 гадоў, бо абавязкам старэйшага з братоў засталося кіраваць сямейнай фермай і даглядаць бацькоў.
Аднак ён выступаў у ролі фактычнага інтэнданта узброеных атрадаў свайго брата Фідэля Кастра, забяспечваючы іх правізіяй, зброяй і палівам, якое ва ўмовах дэфіцыту бензіну ён сам жа вырабляў з спірту.
Пасля перамогі рэвалюцыі Рамон Кастра заняўся сельскай гаспадаркай вострава.
Ён ніколі не займаў пасады міністра сельскай гаспадаркі, заўсёды застаючыся толькі «дарадцам ўрада», але менавіта яго лічаць ініцыятарам усіх сацыялістычных рэформаў у гэтай галіне кубінскай эканомікі.
Каментары