Хоум Крэдыт Банк спыняе з 1 красавіка выпуск і абслугоўванне банкаўскіх картак
Чытачка finance.tut.by паведаміла, што ў панядзелак ёй на мабільны тэлефон прыйшло паведамленне ад Хоум Крэдыт Банка, у якім кліентку інфармавалі аб спыненні абслугоўвання плацежных банкаўскіх картак з 1 красавіка 2016 года.
У кол-цэнтры паведамілі, што гэтае рашэнне тычыцца абсалютна ўсіх картак, выпушчаных банкам. «Але калі ў вас крэдытная карта, то вам неабходна будзе выплачваць пазыку, згодна з умовамі пазыкі. А вось карыстацца карткай у крамах з 1 красавіка ўжо будзе нельга», - удакладніла спецыяліст. Прычынай такога рашэння, па словах работніцы кол-цэнтра, стала «змяненне бізнес-мадэлі».
Чытачка распавядае: «Калі ў кол-цэнтры даведаліся, што ў мяне па крэдытцы няма ніякіх даўгоў, папрасілі прыйсці ў офіс, здаць карту і скасаваць дамову». Кліентка банка знервавалася ад такой навіны, паколькі на гэтай картцы у яе быў ліміт у 15 мільёнаў рублёў, а «многія банкі цяпер максімум 5 мільёнаў дазваляюць».
Дарэчы, банк не толькі спыняе абслугоўванне дзеючых картак, але і выпуск новых.
У Хоум Крэдыт Банку інфармацыю пацвярджаюць. «Спыненне абслугоўвання банкаўскіх картак з'яўляецца адным з элементаў нашай бізнэс-мадэлі», - зноў падкрэслілі спецыялісты. Кіраўніцтва банка плануе заўтра апублікаваць больш падрабязную інфармацыю па гэтай тэме і патлумачыць кліентам ўсе нюансы.
Нагадаем, што раней Хоум Крэдыт Банк вырашыў закрыць палову сваіх цэнтраў банкаўскага абслугоўвання ўсё па той жа прычыне - «змяненне бізнес-мадэлі».
Каментары