Лукашэнка: Дзяржава і надалей будзе гарантаваць першае працоўнае месца выпускнікам ВНУ
Дзяржава і ў далейшым будзе гарантаваць першае працоўнае месца выпускнікам ВНУ. Пра гэта Аляксандр Лукашэнка заявіў падчас наведвання Наземнага комплексу кіравання Нацыянальнай сістэмы спадарожнікавай сувязі і вяшчання ў Дзяржынскім раёне.
Лукашэнка ў ходзе размовы з працоўным калектывам адзначыў, што дзяржава працягне надаваць самую пільную ўвагу сацыяльным пытанням, у тым ліку працаўладкаванню моладзі і стварэнню новых працоўных месцаў. Разам з гэтым ён адзначыў, што сітуацыя на рынку працы з працаўладкаваннем досыць няпростая.
Кіраўнік краіны расказаў, што зусім нядаўна, падчас абмеркавання пытанняў пенсійнай рэформы, асаблівая ўвага была звернута як раз на дадзеную тэму.
«Мною было прынята адназначнае рашэнне аб прадастаўленні першага працоўнага месца пасля заканчэння ВНУ, незалежна ад таго, прыватны ён або дзяржаўны. І гэтага мы будзем прытрымлівацца. Мы абавязаны будзем дапамагчы з працаўладкаваннем маладым людзям, якія атрымалі адукацыю», - адзначыў кіраўнік дзяржавы.
Ён таксама дэталёва закрануў тэму стварэння новых працоўных месцаў. «Ідучы на павелічэнне пенсійнага ўзросту, мы выдатна разумелі, што гэта запатрабуе дадатковых працоўных месцаў. Таму ў гэтым годзе прынялі рашэнне аб стварэнні больш за 50 тыс. працоўных месцаў. Магчыма, і вам тут прыйдзецца ствараць новыя працоўныя месцы», - сказаў Аляксандр Лукашэнка.
«Мы ўсяляк, нягледзячы ні на якія рынкавыя прынцыпы, будзем патрабаваць ад кіраўнікоў і ствараць умовы для бізнесу, для таго каб яны стваралі працоўныя месцы», — заявіў кіраўнік краіны.
Цяпер чытаюць
Былы міністр культуры Руслан Чарнецкі знайшоў сабе падпрацоўку6
Каментары