Падлетак папрасіў мінака памяняць у банку даляры, а той уцёк з грашыма
У Лідзе мядзведжую паслугу 13-гадоваму падлетку аказаў мясцовы жыхар 1983-га года нараджэння. Школьнік звярнуўся да старэйшага чалавека і папрасіў памяняць $20 на беларускія рублі ў адным з банкаў. У сілу свайго ўзросту самастойна ён гэта зрабіць не змог. «Памочнік» узяў грошы, пасля чаго пайшоў не ў абменнік, а ў зусім іншым кірунку, пры гэтым узнагародзіўшы хлопчыка ўдарам нагой у пятую кропку. Той, у сваю чаргу, рушыў услед за сваім крыўдзіцелем, пры гэтым фатаграфаваў яго на тэлефон.
Дома ён перадаў сабраныя матэрыялы бацьку, які па іх вылічыў, дзе жыве падазраваны і прапанаваў яму добраахвотна вярнуць валюту. Той на міравую ісці не пажадаў. Пацярпеламу нічога не заставалася, як звярнуцца ў міліцыю.
Цяпер чытаюць
Маладую беларуску пратрымалі ў расійскім СІЗА амаль 4 гады і апраўдалі. А кампенсацыю далі такую, нібыта ў твар плюнулі2
Каментары