А таксама выбрукуюць плятформы і ўсталююць над імі дашкі.
Сёлета да канца года на плятформе чыгуначнага вакзалу ў Менску ўсталююць першыя шкляныя дашкі. Даўжыня іх — 250 мэтраў (гэткая самая, як у пасажырскага цягніка), вышыня — 4 мэтры.
Паралельна пачнаецца рэканструкцыя шасьці сходаў-спускаў з пасажырскае залі. Плянуецца закупіць тры новыя травэлатары замежнай вытворчасьці наўзамен цяперашніх пецярбурскіх, якія ніколі не працавалі. Праз пару месяцаў тры з шасьці спускаў да цягнікоў з чакальнае залі будуць пераабсталяваныя наноў, паведамляе газэта «Рэспубліка».
Да зімы ўсе плятформы таксама будуць забрукаваныя пліткай.
Каментары