Перадвыбарчы штаб Хілары Клінтан апублікаваў яе падатковую дэкларацыю
Біл і Хілары Клінтан зарабілі ў 2015 годзе 10,6 мільёна даляраў. Пра гэта гаворыцца ў падатковай дэкларацыі, апублікаванай выбарчым штабам Хілары Клінтан 12 жніўня.
Найбольшы даход Клінтаны ў 2015 годзе атрымалі ў якасці ганарараў — за прамовы, з якімі выступаў на розных мерапрыемствах муж Хілары, 42-гі прэзідэнт ЗША (усяго 5,2 млн даляраў), а таксама за публікацыю кнігі самой Хілары выдавецкай кампаніяй Simon & Schuster (3 млн даляраў).
У 2015 годзе Клінтаны заплацілі падаткі па стаўцы 34,2%. Акрамя таго, больш за мільён даляраў было накіравана імі на дабрачыннасць.
Як адзначае Associated Press, у 2015 годзе сям'я Клінтан трапіла ў 0,1% самых забяспечаных сем'яў у ЗША (99,9% амерыканскіх сем'яў зарабляюць менш).
Перадвыбарчы штаб Хілары Клінтан апублікаваў яе падатковую дэкларацыю, каб прымусіць зрабіць тое ж самае яе суперніка на выбарах Дональда Трампа.
Трамп апублікаваць дадзеныя аб сваіх заробках адмаўляецца. Дэмакраты падазраюць, што Трамп мог ўхіляцца ад выплаты падаткаў у ЗША.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі64
Каментары