У Пінску скончылі расследаванне крымінальнай справы па абвінавачванні 35-гадовай жанчыны ў забойстве нованароджанай дачкі, піша tut.by.
Злачынства было здзейснена 26 студзеня. А 18.30 брыгада хуткай даставіла абвінавачваную ў лякарню з падазрэннем на выкідыш. Медыкі паведамілі пра здарэнне праваахоўнікам і па месцы жыхарства пацыенткі выехала следча-аператыўная група. Падчас агляду кватэры следчыя выявілі ў яе жаночай сумачцы загорнуты ў пакет труп нованароджанай дзяўчынкі з множнымі ранкамі і сінякамі.
Як высветлілі эксперты, дзіця нарадзілася даношаным і жыццяздольным, а смерць надышла ў выніку асфіксіі.
«Падчас папярэдняга расследавання было высветлена, што абвінавачаная нанесла свайму дзіцяці не менш за 49 цялесных пашкоджанняў. Пасля гэтага яна закрыла адтуліны рота і носа і сціснула шыю дачкі, у выніку чаго немаўля памерла», - паведаміў афіцыйны прадстаўнік упраўлення Следчага камітэта па Брэсцкай вобласці.
Жанчыне выставілі абвінавачванне ў забойстве заведама малога дзіцяці з асаблівай жорсткасцю. Паводле комплекснай псіхолага-псіхіятрычнай экспертызы абвінавачаная магла ўсведамляць што робіць і кіраваць сабой.
Крымінальная справа перададзена пракурору для накіравання ў суд.
Цяпер чытаюць
«Ні тады, ні сёння я не лічу, што зрабіў штосьці кепскае». Дзядок шчыра расказаў пра былыя адносіны з 16‑гадовай дзяўчынай20
Каментары