Полацкія ратавальнікі 11 верасня знялі з дрэва на вуліцы Янкі Купалы пакет, у якім знаходзіліся чацвёра шчанюкоў. Хто вырашыў такім чынам расправіцца з жывёламі, невядома. Пра здарэнне распавяла ў сацсетках жыхарка горада Марына Катовіч.
Марына напісала, што, гуляючы, пачула піск. Затым убачыла высока на дрэве жоўты пакет, які варушыўся. Зразумела, што гукі даносяцца менавіта з яго. Жанчына з сяброўкай выклікалі МНС:
— Хлопцы прыехалі хутка і знялі з дрэва пакет з чатырма шчанюкамі, яшчэ сляпымі.
Ратавальнікі, па словах Марыны, не з'язджалі да апошняга — дапамагалі жанчынам прыстроіць шчанюкоў.
Марыне пашанцавала сустрэць мясцовую жыхарку Наташу, у якой як раз нарадзіла сабака. Яна і будзе пакуль выкормліваць знойдзеных шчанюкоў.
Калі шчанюкі падрастуць, Марына Катовіч плануе знайсці ім добрых гаспадароў. Жанчына здзіўляецца, як можна было так паступіць са шчанюкамі:
- Той, хто гэта зрабіў, як вам з гэтым жыць?
Цяпер чытаюць
Прапагандысты запэўніваюць, што 196 палітвязняў ужо на свабодзе8
Каментары