Мужчына ў парыку, пераапрануты ў медсястру, спрабаваў сарваць сустрэчу Статкевіча ў Пінску
Экс-кандыдат у прэзідэнты і старшыня Беларускага нацыянальнага кангрэсу Мікола Статкевіч працягвае ладзіць сустрэчы ў рэгіёнах. Сустрэча ў Пінску адзначылася інцыдэнтам.
Да ўдзельнікаў пад'ехаў мікрааўтобус, і з яго выйшлі два чалавекі, адзін з іх — мужчына ў парыку і цёмных акулярах, пераапрануты жанчынай у медыцынскім халаце. Ён быў таксама з барадой — невядома, уласнай ці накладной.
Паводле «Народнай Грамады», госці з мікрааўтобуса чапіліся да людзей і брыдкасловілі, аднак іх адціснулі ўбок і ўсё ж правялі сустрэчу са Статкевічам, якая доўжылася дзве гадзіны. На яе сабралася каля 40 чалавек.
Адразу пасля інцыдэнту інфармацыю пра здарэнне, з элементамі блатной стылістыкі, выслалі на мэйлы СМІ з адраса [email protected].
Цяпер чытаюць
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ36
Каментары