Расійскі губернатар назваў барацьбу з ляснымі пажарамі ў Сібіры «бессэнсоўнай і шкоднай»
Губернатар Краснаярскага края Аляксандр Ус лічыць бессэнсоўнай барацьбу з ляснымі пажарамі, якія ахапілі амаль 3 мільёны гектараў тайгі, паведамляюць Ведомости.
Адказваючы на пытанне пра тое, якія дзеянні робяцца для тушэння лясных пажараў, ён сказаў: «Справа ў тым, што гэта звычайная прыродная з'ява, змагацца з якой бессэнсоўна, а недзе, магчыма, нават і шкодна».
Паводле яго слоў, лясныя тэрыторыі дзеляцца на зоны кантролю, дзе пажары «па вызначэнні не тушаць», і зоны аховы, якія ахоўваюць ад агню. Да зоны кантролю Ус аднёс паўночныя тэрыторыі рэгіёну, дзе пажары ўзнікаюць рэгулярна з-за навальніц, падчас якіх маланкі б'юць у дрэвы. Па словах Уса, такое бывала і 100, і 500 гадоў таму.
Па словах Уса, лясныя пажары бушуюць на тэрыторыі зоны кантролю, дзе пажары «па вызначэнні не тушаць».
«Вось калі ў нас зімой у халоднае надвор'е ўзнікае мяцеліца, нікому ж не прыходзіць у галаву тапіць айсбергі, каб у нас было цяплей», — заявіў губернатар.
Расійскі чыноўнік дадаў, што перакідка пажарных у зону кантролю, дзе бушуюць пажары, вельмі рызыкоўная.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі
Каментары