«Іх жыццю нічога не пагражае». МУС расказала пра супрацоўнікаў, на якіх напалі ў Верхнядзвінску
Раніцай 1 студзеня ў Віцебскай вобласці затрымалі 18-гадовага хлопца, які напаў на міліцыянтаў з нажом. Незадоўга да інцыдэнту малады чалавек апублікаваў свой маніфест.
- Супрацоўнікаў міліцыі дастаўлялі ў бальніцу, ім была аказана неабходная медыцынская дапамога. На сённяшні момант іх здароўю і жыццю нічога не пагражае, - пракаментаваў tut.by афіцыйны прадстаўнік МУС Віктар Новікаў.
Справай ўжо займаецца Следчы камітэт і ў бліжэйшы час ён апублікуе інфармацыю.
Нагадаем, ноччу ў Віцебскай вобласці пры затрыманні 18-гадовы малады чалавек нанёс міліцыянтам нажавыя раненні. Падрабязнасці інцыдэнту былі апублікаваныя ў сацсетках: хлопец кінуў бутэльку з запальнай сумессю на тэрыторыю Верхнядзвінскага аддзялення Дэпартамента аховы МУС, а пры затрыманьні аказаў супраціў. Афіцыйных пацверджанняў гэтаму няма.
31 снежня на YouTube быў апублікаваны ролік, у якім малады чалавек, які назваўся Глебам Т., кажа: «Калі вы глядзіце гэта відэа, то, хутчэй за ўсё, я здзейсніў напад на Верхнядзвінскі РАУС». У відэа ён не тлумачыць прычыны свайго ўчынку, адпраўляючы усіх у свой Telegram-канал. У яго ТГ-канале апублікаваны шматстаронкавы маніфест, у якім ён тлумачыць свае матывы.
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей4
Каментары