Дзяржаўны сакратар ЗША Майк Пампеа прыляцеў ва Украіну з рабочым візітам. Пра гэта паведаміў намеснік кіраўніка ўкраінскага МЗС Ягор Бажок у твітары.
«Украіна вітае вялікага сябра з ЗША», — напісаў Бажок, адзначыўшы, што Пампеа асабіста зрабіў многае, каб падтрымаць Украіну «у цяжкія часы расійскай агрэсіі». Падчас свайго візіту Пампеа сустрэнецца з украінскім прэзідэнтам Уладзімірам Зяленскім.
#Ukraine welcomes a great friend from #USA. @SecPompeo did personally a lot to support us in difficult times of #Russia’s aggression. We look forward to his fruitful work in #Kyiv, where he’ll meet President @ZelenskyyUa, ForMin @VPrystaiko, DefMin @AndriyZagorodn3 pic.twitter.com/wi4Fln6t88
Пампеа таксама паведаміў пра сваё прыбыццё ва Украіну ў твітары. Ён адзначыў, што плануе абмеркаваць з Зяленскім «шляхі прасоўвання нашага стратэгічнага партнёрства і ўмацавання пазіцыі Украіны як свабоднай і дэмакратычнай дзяржавы».
У суботу Пампеа павінен прыляцець у Мінск. Паведамлялася, што тут адбудзецца яго сустрэча з Аляксандрам Лукашэнкам.
Каментары