Кінафестываль «Трайбека» і YouTube ад 29 мая да 7 чэрвеня правядуць анлайн-фестываль. У праграме фільмы з Канаў, Венецыі, Таронта, Лакарна і з іншых кінафорумаў, піша rbc.ru.
Праграму анлайн-кінафестывалю We Are One абвесцяць у найбліжэйшыя дні.
Арганізатары абяцаюць ахапіць каталог 20 сусветных кінафорумаў, у тым ліку Берлінскі, Канскі і Венецыянскі кінафестывалі, паказы ў Нью-Ёрку, Лондане і Таронта, а таксама праграму фестывалю «Сандэнс». Усе фільмы можна будзе паглядзець бясплатна на YouTube.
Мерапрыемства дапаможа сабраць сродкі на патрэбы партнёраў Сусветнай арганізацыі аховы здароўя, якія дапамагаюць медработнікам і супрацоўнікам службаў жыццезабеспячэння ў перыяд пандэміі.
Лічбавы фармат не стане паўнавартаснай заменай кінафестывалям, якія арганізатары спадзяюцца правесці пасля заканчэння пандэміі.
«Мы ганарымся, што разам з нашымі партнёрамі бяром удзел у анлайн-фестывалі і можам прыцягнуць увагу да сапраўды незвычайных фільмаў і дазволіць гледачам выпрабаваць выключнасць гісторый з усяго свету, а таксама пазнаёміцца з людзьмі, якія стаяць за імі», — кажуць кіраўнікі Канскага фестывалю П'ер Лескюр і Т'еры Фрэмо.
У канцы сакавіка Канскі кінафестываль, які павінен быў прайсці з 12 па 23 мая, перанеслі з-за пандэміі каранавіруса на нявызначаны тэрмін.
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося29
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1111
Каментары