Гебхард Вайс, выступаючы ў панядзелак на адкрыцці 4‑га дыспуту памяці Ёханэса Раў, зрабіў некалькі заяў адносна паляпшэння стасункаў між Беларуссю і Еўрасаюзам.
Пасол Германіі Гебхард Вайс, выступаючы ў панядзелак на адкрыцці 4‑га дыспуту памяці Ёханэса Раў, зрабіў некалькі заяў адносна паляпшэння стасункаў між Беларуссю і Еўрасаюзам. На мерапрыемстве прысутнічаў прэм’ер‑міністр зямлі Брандэнбург Маціяс Плацэк і міністр замежных спраў Беларусі Сяргей Мартынаў.
Вайс адзначыў, што сёння ўжо зусім іншая і адрозная сітуацыя ад той, што была яшчэ два гады таму. Спадар пасол назваў яе «прынцыпова новай фазай развіцця».
«Разам з тым, вы прыехалі ў перыяд, калі надзеі ў дачыненні Беларусі ўзрастаюць, але яшчэ не да канца стабільныя, яны змагаюцца са скептыцызмам, што апраўданы мінулым», — звярнуўся Вайс да прэм’ера Брандэнбурга.
«Таму цяпер наступіў час, калі шляхам паслядоўных, станоўчых і канструктыўных дзеянняў усіх акцёраў такі скептыцызм можа згубіць сваю пладародную глебу. І такім чынам надзеі могуць стаць упэўненасцю, і крок за крокам — рэальнасцю.
Гэты неабходны працэс найперш у руках Беларусі і яе адказных эліт. Але важна і тое, што ў дадзенай сітуацыі Германія і Еўрасаюз больш гатовыя да супрацоўніцтва, чым калі‑небудзь раней», — сказаў пасол Германія.
Каментары