«Абвінавачванняў не выстаўлялі». Адвакат Знака аб новых крымінальных справах супраць Каардынацыйнай рады
Максіму Знаку не было выстаўлена абвінавачванняў па дзвюх новых крымінальных справах супраць Каардынацыйнай рады. Пра гэта Tut.by паведаміў яго адвакат Дзмітрый Лаеўскі.
Нагадаем, Генпракуратура завяла дзве новыя крымінальныя справы ў дачыненні да членаў Каардынацыйнай рады па фактах стварэння экстрэмісцкага фарміравання і кіраўніцтва ім, фінансавання яго дзейнасці і змовы з мэтай захопу дзяржаўнай улады неканстытуцыйным шляхам.
Члену Прэзідыума Каардынацыйнай рады Максіму Знаку абвінавачванняў па новых справах выстаўлена не было.
— Хачу падкрэсліць, што гэта — завядзенне спраў, г. зн. падазрэнні, а абвінавачванняў такіх Знаку не выстаўлялася. Вылучэнне гэтых падазрэнняў абарона лічыць беспадстаўным, паколькі абсалютна відавочна, што ніякага экстрэмізму ў выказваннях і дзеяннях Знака не было. Пастановы аб завядзенні дзвюх новых спраў абарона абскардзіць, — распавёў Дзмітрый Лаеўскі.
Па першай крымінальнай справе, па якой Максім Знак абвінавачваецца ў закліках да дзеянняў супраць нацбяспекі (частка 3 артыкула 361 КК), абарона сёння накіравала ў Генпракуратуру скаргу на ўсе папярэднія адмовы ў спыненні крымінальнага пераследу.
— Мы аргументавалі адсутнасць складу злачынства, наша пазіцыя не абвергнута, і мы настойваем, што пераслед адваката Знака за выказванне прававой думкі, якая не ўтрымлівае ніякіх супрацьпраўных заклікаў, павінен быць спынены. Пра гэта ж гаворыцца ў шэрагу зваротаў найбуйнейшых міжнародных адвакацкіх асацыяцый, якія паступілі ў адрас уладаў Беларусі. Сам Максім у норме, хоць ва ўмовах СІЗА гэта і не лёгка, але настрой у яго добры, працоўны, шмат чытае. Працягваем змагацца, — кажа Лаеўскі.
Цяпер чытаюць
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч36
Каментары