Як паведамілі БЕЛТА ў прэс‑службе кіраўніка дзяржавы, адпаведны ўказ нумар 314 Аляксандр Лукашэнка падпісаў 16 чэрвеня.
Залічэнне абітурыентаў у гэтыя ўстановы адукацыі будзе ажыццяўляцца па конкурсе на аснове агульнай сумы наступных ацэнак:
балы за кожны этап ўступнага выпрабавання па прадмеце «творчасць» плюс сярэдні бал, атрыманы пры складанні балаў за цэнтралізаванае тэсціраванне і сярэдняй ацэнкі дакумента аб адукацыі. Інакш кажучы, улічваюцца ўсе балы, атрыманыя на экзаменах па творчых прадметах, а па агульнаадукацыйных — толькі агульны сярэдні бал. Гэта дасць перавагі пры паступленні творча адораным маладым людзям перад проста стараннымі і руплівымі абітурыентамі.
Прыняцце ўказа — яшчэ адно сведчанне асаблівай увагі, якая ўдзяляецца кіраўніком дзяржавы падтрымцы маладых талентаў, растлумачылі ў прэс‑службе.
Дакумент уступае ў сілу са дня яго афіцыйнага апублікавання.
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей3
Каментары