Вось такі красавік: надвор'е ў наступныя дні не парадуе. А пад канец тыдня — наогул мокры снег
У аўторак атмасферны ціск пачне падаць і задажджыць, піша Tut.by.
У асобных раёнах — навальніцы. Ноччу + 1.. + 6°С, максімальная днём + 7.. + 13°С, па захадзе да + 15°С. У Мінску да +12°С
У сераду таксама кароткачасовыя дажджы, месцамі навальніцы. Максімальная днём + 10.. + 16°С. У Мінску да +11°С
22 красавіка характар надвор'я істотна не зменіцца, у Мінску, паводле pogoda.by, да +11°С — +17°С.
А ў пятніцу прыйдзе халодны атмасферны фронт.
На большай частцы тэрыторыі краіны чакаюцца кароткачасовыя дажджы, па паўночным захадзе з мокрым снегам. Максімальна днём + 6.. + 13°С. У Мінску +7°С.
На выходных таксама будзе халодна. На большай частцы тэрыторыі краіны — мокры снег і дождж. Адчуванне холаду будзе ўзмацняць парывісты паўночна-заходні вецер. У Мінску прагназуюць мокры снег і ўсяго +4-+6°С.
А pogoda.by паведамляе, што ў нядзелю, на праваслаўную Вербніцу, наогул у сталіцы чакаецца завіруха.
Каментары