Сам жа Мікалай Аўтуховіч галадае 76 дзён.
Жонка ваўкавыскага прадпрымальніка Алена Аўтуховіч перажыла сур’ёзны нервовы зрыў і цяпер праходзіць курс лячэння. Лячэнне цягнецца ўжо каля чатырох месяцаў.
Пра гэта распавёў Алег Воўчак:
«Жонка пакуль на лячэнні — у яе вельмі цяжкі зрыў. Яна выпісала агульную даверанасць на мяне, я вяду ўсе справы.
Яна проста не ў стане. Плача, перажывае і моліць Бога, каб са здароўем усё было добра».
Дазваніцца да Алены Аўтуховіч немагчыма ўжо з канца зімы. Дачка ваўкавыскага прадпрымальніка вучыцца ў Польшчы. Маці Мікалая жыве ў Ваўкавыску. Жанчыне больш за 70 гадоў.
Галадоўка Мікалая Аўтуховіча, якая цягнецца з 16 красавіка, не толькі з’ядае здароўе самога галадоўшчыка, але цяжка адбілася і на стане самых блізкіх людзей прадпрымальніка.
Адвакат Павел Сапелка зазначыў, што фактычна «ўвесь час Мікалай Аўтуховіч праводзіць у ложку».
Цяпер чытаюць
Маладую беларуску пратрымалі ў расійскім СІЗА амаль 4 гады і апраўдалі. А кампенсацыю далі такую, нібыта ў твар плюнулі9
Каментары