За тры надпісы на прыпынках у Драгічынскім раёне мужчыну асудзілі на 1,5 года «хатняй хіміі»
У судзе Драгічынскага раёна 10 лістапада вынеслі прысуд Яўгену Кажуху, якога вінавацілі ў апаганьванні збудаванняў і псаванні маёмасці (арт. 341 КК). Суддзя Юлія Кукса пагадзілася з пазіцыяй дзяржабвінавачвання і прысудзіла мужчыне 1,5 года «хатняй хіміі».
На калодзежы ў двары дома абвінавачванага напісаная фраза «Жыве Белая Русь», якую з вуліцы не бачна. На пытанне суда, навошта была нанесена гэта фраза, мужчына адказаў, што хацеў паспрабаваць, як піша балончык.
Паколькі ў судзе Яўген Кожух не мог узгадаць, якія надпісы наносіў, былі агучаныя ягоныя паказанні: увечары 16 жніўня 2021 года Яўген на адным прыпынку напісаў «Жыве Беларусь», на другім — «Не забудем. Не простим», а ў Сіманавічах — «3% уходи». Абвінавачанага затрымалі на працы супрацоўнікі ГУБАЗіК.
Мужчына віну прызнаў, добраахвотна ў дасудовым парадку пакрыў шкоду — яна склала 82 рублі 98 капеек.
Прапаганда прычапілася да «дарагога» гадзінніка Латушкі. Той расказаў, што гэта за мадэль насамрэч36
Каментары