Кіраўнік цэнтра Гамалеі расказаў, што заразіўся каранавірусам, але амаль не заўважыў гэтага
Кіраўнік цэнтра Гамалеі, дзе быў распрацаваны «Спутнік V», Аляксандр Гінцбург, паведаміў, што быў заражаны амікрон-штамам каранавіруса.
Дырэктар расійскага НДЦ эпідэміялогіі і мікрабіялогіі імя Гамалеі Аляксандр Гінцбург распавёў, што быў інфікаваны амікрон-штамам каранавіруса, аднак не захварэў на COVID-19. Ён звязвае гэта з тым, што быў прышчэплены «Спутнікам V», паведамляе РБК.
«Тыя, хто прышчэплены «Спутнікам», хутчэй за ўсё, не захварэюць каранавірусам, выкліканым штамам «амікрон», і можа быць, не даведаюцца, што яны перахварэлі, пакуль не здадуць антыцелы і не паглядзяць віруснейтралізацыю на «амікроне». Што вось і я зрабіў, злятаўшы за мяжу. Калі б у мяне не было магчымасці вызначыць у сваёй сыроватцы віруснейтралізуючыя антыцелы да «амікрона» пасля паездкі, я б і не даведаўся, што быў ім інфікаваны», — распавёў ён.
Са слоў Гінцбурга, тэст, які ён зрабіў пасля паездкі за мяжу, паказаў вельмі высокія цітры віруснатралізуючых «амікрон»- антыцелаў. Аднак ніякіх сімптомаў COVID-19 ён так і не адчуў.
Былы міністр культуры Руслан Чарнецкі знайшоў сабе падпрацоўку9
Каментары