Расійскі рубель падчас таргоў зніжаўся да двухгадовага мінімуму. Але што з курсамі ў абменніках?
Падчас таргоў на расійскай валютна-фондавай біржы курс даляра ў пэўныя моманты зніжаўся да ўзроўню пачатку 2020 года. А еўра сягаў пяцігадовага мінімуму.
Падчас сённяшніх таргоў курс даляра да расійскага рубля падаў да 62,94. Такі курс — ніжэйшы за 63 рублі за даляр — назіраўся ўпершыню з лютага 2020 года.
Пры гэтым у моманце еўра таргаваўся танней за 65 рублёў — упершыню з чэрвеня 2017 года. Ніжняя адзнака курсавога дыяпазону склала 64,94 рубля.
Аднак курсы валют у абменных пунктах усе адно значна адрозніваюцца ад курса ЦБРФ.
Так, напрыклад, у абменніках Масквы самыя танныя даляры можна набыць па 76 рублёў. Еўра па 79,7 расійскага рубля.
Здаць даляры ў Маскве можна па 72 рублі, еўра — па 76.
Эксперты адзначаюць, што стабілізацыя курсу расійскай валюты ў першую чаргу адбываецца за кошт строгіх абмежаванняў, уведзеных Цэнтрабанкам. Там прысутнічаюць абмежаванні па куплі валюты і абавязацельствы экспарцёраў прадаваць 80% валютнай выручкі.
Нягледзячы на гэта, эканамісты кажуць, што курс беларускага рубля шмат у чым будзе паўтараць дынаміку курсу расійскага.
Адсутнасць дваістых курсаў валют у Беларусі, па расійскім ўзоры, тлумачыцца тым, што курс рубля беларускага, у адрозненне ад расійскага, з’яўляецца рынкавым.
Курс НБРБ таксама паказаў зніжэнне. Даляр, згодна з гэтым курсам, каштуе 2,5008 рубля (мінус 0,0416), еўра — 2,6004 (мінус 0,0618).
Каментары