Калі ў кватэры заводзяцца мурашкі, вывесці іх няпроста, нават хіміяй. А вось просты агурок можа дапамагчы. Асабліва калі ён горкі.
Мурашкі — надзвычайна карысныя істоты. Яны разносяць у лесе насенне, чым рассяваюць некаторыя расліны, яны таксама варушаць глебу і ачышчаюць траву і лес ад арганічных адкідаў, такіх, як рэшткі раслін ці мёртвых жывёлін. Але гэта ў лесе, а не ў хаце.
Мурашкі ў хаце — гэта мала таго, што непрыемна, яны яшчэ і пад'ядаюць ежу і пераносяць вірусы і бактэрыі. Добра, што ёсць просты і танны спосаб пазбавіцца іх.
Агурок дзейнічае як рэпелент — мурашкі ненавідзяць яго пах, прычым лепш за ўсё калі агурок горкі.
Проста нарэжце агурок на кавалкі ці зніміце з яго лупіну. Другі варыянт больш эфектыўны, бо менавіта ў верхнім слоі агурка знаходзіцца горкае рэчыва кукурбітацын, якое мурашкі проста ненавідзяць. Раскладзіце кавалкі агурка ці яго лупіну там, дзе часцей за ўсё бачыце мурашак.
Пах агурка будзе адпужвае мурашак і перабівае ім нюх. Адпаведна, яны страчваюць магчымасць камунікаваць паміж сабой. Больш за тое, агуркі таксама змяшчаюць рэчыва, якое дзейнічае на мурашак як атрута.
Завяў агурок — замяніце яго кавалкі на новыя.
Чытайце таксама:
Пяць прадуктаў, якія дапамагаюць скуры абмалоджвацца
Цяпер чытаюць
Ніводзін лукашэнкаўскі СМІ і канал не выкарыстаў слова «рэтранслятары». Што гэта можа азначаць?26
Каментары