У сеціве жартам далучылі Калінінградскую вобласць да Чэхіі. Расія абурылася
Чэшскі дэпутат Еўрапарламента Томаш Здэхоўскі падзяліўся ў сябе ў твітары гумарыстычнай картай, створанай польскім інтэрнэт-карыстальнікам. Карта паказвае гіпатэтычны падзел Калінінградскай вобласці Расіі паміж Польшчай і Чэхіяй. Расіяне жартаў не ацанілі.
Адзін з ананімных карыстальнікаў твітара апублікаваў у сваім акаўнце карту, якая дзяліла Калінінградскую вобласць на дзве часткі. Адна з іх належала Польшчы, а іншая — Чэхіі. Пад гумарыстычнай карцінкай быў подпіс: «Час падзяліць Калінінград так, каб у нашых братоў-чэхаў нарэшце быў выхад да мора».
Інтэрнэт-карцінка стала набіраць папулярнасць, ёй дзяліліся нават чэшскія палітыкі. Еўрадэпутат Томаш Здэхоўскі напісаў: «Як жа тут не любіць палякаў?»
“Je čas rozdělit Kaliningrad, aby naši čeští bratři měli konečně přístup k moři”
A pak nemilujte Polaky https://t.co/hLhyBDZQJm
Чэхі масава падхапілі ідэю і сталі спасылацца на нядаўна праведзеныя ва Украіне псеўдарэферэндумы. Яны нават стварылі профіль «новай тэрыторыі» ў твітары.
«Сардэчна запрашаем у афіцыйны профіль горада Královec. Пасля паспяховага рэферэндуму 97,9% жыхароў Калінінграда вырашылі аб'яднацца з Чэхіяй і перайменаваць Калінінград у Královec», — гаворыцца ў паведамленні.
«Рэферэндум» правёў у сваім профілі Томаш Здэхоўскі — ён спытаў у ім, ці павінен Калінінград быць польска-чэшскім, даўшы на выбар толькі два адказы: «так» і «адназначна так».
Ёсць таксама жартаўлівыя карцінкі міністра замежных спраў Чэхіі з прэзідэнтам ЗША Джо Байдэнам.
BREAKING. #Královec pic.twitter.com/8NDnidYlHk
Еўрадэпутат Здэхоўскі нагадаў, што Калінінград быў заснаваны ў гонар чэшскага караля Пржэмысла Отакара II.
Але многія расійскія шавіністычныя інтэрнэт-парталы ўспрынялі жарт сур’ёзна. Партал EurAsia Daily вельмі сур'ёзна паставіўся да сатырычнага допісу палітыка. EurAsia Daily апублікаваў артыкул з абурэннем, дзе апісвае «сумнеўную ідэю» правядзення рэферэндуму аб падзеле Калінінградскай вобласці.
Жарт пачаў жыць сваім жыццём, і сур’ёзнае абурэнне расіян паказала, наколькі нізкі інтэлектуальны ўзровень у тамтэйшых прапагандыстаў.
Еўрадэпутат Здэхоўскі таксама адзначыў, што расіяне ставяцца да сябе занадта сур'ёзна, як у пытаннях палітыкі, так і ў міжнародных адносінах. Ён заявіў, што «трэба паказаць Маскве, што яны не баяцца яе і яе пагроз, і гатовыя падтрымаць Украіну ў яе барацьбе за вяртанне ўсіх яе тэрыторый».
Таксама палітык дадаў, што Расія павінна моцна пераасэнсаваць свае дзеянні на міжнароднай арэне.
Konečně smysluplná petice. Díky @az247cz. https://t.co/wHiFBlaT6S pic.twitter.com/sR0mOdJ1nG
The amusing idea of Kaliningrad (Královec in Czech) being annexed to has really taken off in recent days! pic.twitter.com/rSGsBjjrO9
— Grzesiek (@Grzesiek9078) October 4, 2022
Акрамя таго, у інтэрнэце была створаная петыцыя пра анексію Калінінграда Чэхіяй, каб паказаць, наколькі абсурдныя псеўдарэферэндумы на акупаваных тэрыторыях Украіны.
«Як паказала нам Расія ў Крыме, а цяпер паказвае на ўсходзе Украіны, цалкам нармальна ўвайсці на тэрыторыю замежнай дзяржавы, абвясціць там рэферэндум, а затым анексаваць яе», — пішуць аўтары петыцыі.
«Падчас свайго існавання горад належаў Прусіі, Польшчы, Германіі, а цяпер і Расіі. Мы мяркуем, што Расія занадта доўга гуляла з Калінінградам, і прыйшоў час зноў аддаць яго ў новыя рукі. І паколькі горад быў заснаваны ў гонар чэшскага караля, ён павінен перайсці ў рукі законнага ўладальніка», — пераконваюць аўтары петыцыі.
«У нас ёсць унікальная магчымасць пашырыць тэрыторыю Чэхіі і, нарэшце, атрымаць доступ да мора. Таму мы патрабуем ад урада Чэшскай Рэспублікі адправіць чэшскіх салдат у Калінінград, абвясціць там рэферэндум, які завершыцца вынікам 98 адсоткаў за далучэнне да Чэхіі, а затым анексаваць Калінінград», — гаворыцца ў жартаўлівай петыцыі.
— Tomáš Zdechovský (@TomasZdechovsky) October 3, 2022
«Якая яшчэ чэшская віза ў Калінінград?»
Uważam, że ta akcja z anektowaniem #Kralovec przez Czechy jest czymś wspaniałym:
- wyśmiewamy nielegalne aneksje i referenda ru
- uświadamiamy jak działa rosyjska propaganda
- dobrze się bawimy
Mam nadzieję, że rozleję się to po internetach szerzej.
Brawo @KralovecCzechia :) pic.twitter.com/ZfV97oRaio
«Як напісана ў Бібліі, калі чэхі хочуць Калінінград, няхай ён будзе ў іх…»
Make Kaliningrad Královec again! Czech navy needs access to the Baltic sea :) #Kralovec #KaliningradIsCzechia podziękowania dla braci Polaków za współpracę @tomaszkomentasz pic.twitter.com/210xQwbgmq
Niezwyciężona Czeska Marynarka Wojenna
NIE PRZEGRAŁA jeszcze ani jednej bitwy morskiej #Kaliningrad #Kralovec #KaliningradIsCzechia pic.twitter.com/TDMRnLx1sd
«Непераможны Чэшскі флот. Не прайграў яшчэ ніводнай марской бітвы»
Jak bude zítra.#KaliningradIsCzechia pic.twitter.com/7n54tYEngS
Make #Kralovec great again! pic.twitter.com/3h5A08k74W
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей3
Каментары