Упершыню ў гісторыі краіны спартыўнае медыя загаворыць па-беларуску. «Трыбуна» пераходзіць на родную мову
Пра тое, што Трыбуна» будзе пераходзіць на беларускую мову, заявіў генеральны дырэктар і сузаснавальнік медыяхолдынга Tribuna Digital Дзмітрый Навоша.
— Упершыню спартовае медыя загаворыць па-беларуску. Упершыню ўвогуле ў гісторыі краіны. Мне падабаецца гэты трэнд [на адраджэнне беларускай мовы]. Я не ўпэўнены, што гэта ўсё, што мы можам рабіць. І я думаю, што мы ўсё роўна не павінны пераходзіць да моўнага фашызму. Рускамоўныя беларусы гэтак жа ненавідзяць Лукашэнку, як і беларускамоўныя, і гэтак жа хочуць нармальнай краіны.
Вельмі важна не заганяць сябе ў гета. Лукашэнка ўвесь час спрабуе загнаць нас у гета. Яны ўвесь час спрабуюць вось як бы: змагары, паўпалякі і ўсякае такое. Важна адыходзіць ад гэтай пасткі. Але трэнд на адраджэнне беларускай мовы мне вельмі падабаецца.
Паводле Навошы, рускамоўны кантэнт таксама захаваецца.
— Нават ва Украіне «Трыбуна» не перайшла толькі на ўкраінскую. Ёсць і рускамоўны кантэнт. Адказ просты: каб украінцы не чыталі рускія медыя. Ёсць украінцы, яны існуюць, яны ваююць, у тым ліку на фронце. Хтосьці аддае перавагу рускай мове да гэтага часу. Нягледзячы на каласальны імпульс па папулярызацыі і прасоўванні ўкраінскай мовы, — сказаў Навоша.
-
Новае трамвайнае кальцо ў Мінску. Вось як яно выглядае
-
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
-
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося13
Каментары