Былая палітзняволеная расказала, як ціснуць на палітвязняў у гомельскай жаночай калоніі
Жанчына, якая нядаўна вызвалілася з турмы, звязалася з праектам «Палітвязынка». Вось што яна распавяла.
«Каці Андрэевай з самага пачатку вельмі цяжка прыйшлося. Яе размеркавалі ў прэс-атрад, праз які прайшлі многія палітзняволеныя дзяўчыны. Цяпер там Соф'я Сапега, і яе вельмі жорстка прэсуюць ужо працяглы час. Яе і Паліну Шарэнда-Панасюк выклікалі на «гутарку» да начальніка калоніі.
Каця вельмі чулая. І на яе аказваецца маральны ціск з боку маргінальных асоб. Каці забаранялі нават падыходзіць да палітычных. А калі ўдавалася ёй перакінуцца з намі словамі, было відаць, што яна стараецца з усіх сіл усё гэта выносіць. Каця цяпер вярнулася ў калонію з дадатковым тэрмінам. Яе перавялі ў лепшы атрад, але на фабрыцы ёй забаранілі нават глядзець на палітычных. Каця моцна напакутавалася, але вельмі годна праходзіць гэты шлях, як бы цяжка ёй ні было».
Былы міністр культуры Руслан Чарнецкі знайшоў сабе падпрацоўку9
Каментары