Уругвайцы выйгралі ў гэтай сустрэчы, але ўсё роўна не выйшлі ў плэй-оф чэмпіянату свету. Сыходзячы з поля пасля фінальнага свістка, форвард «Валенсіі» Эдынсан Кавані штурхнуў манітор, які ўпаў і разбіўся.
Форвард зборнай Уругвая Эдынсан Кавані разбіў манітор VAR пасля матча трэцяга тура чэмпіянату свету супраць каманды Ганы.
Зборная Уругвая выйграла з лікам 2:0, але ёй не хапіла яшчэ аднаго гола для выхаду ў плэй-оф. У самым канцы сустрэчы уругвайцы патрабавалі прызначыць пенальці ў адным з момантаў, але суддзя іх праігнараваў.
Сыходзячы з поля пасля фінальнага свістка, Кавані ў лютасці штурхнуў манітор VAR, які перакуліўся і разбіўся.
З групы H у наступную стадыю чэмпіянату свету выйшлі зборныя Партугаліі і Паўднёвай Карэі. У карэйцаў і уругвайцаў аказалася роўная колькасць ачкоў (па 4), але Карэя забіла больш галоў на турніры.
Каментары