«Рускі добраахвотніцкі корпус» сцвярджае, што ўзгадніў з Украінай аперацыю ў Бранскай вобласці
Камандзір «Рускага добраахвотніцкага корпуса» Дзяніс Нікіцін у інтэрвʼю Financial Times заявіў, што ўлады Украіны ведалі пра аперацыю «Рускага добраахвотніцкага корпуса» у Бранскай вобласці. «Інакш яна проста не магла б прайсці».
«Як вы сабе ўяўляеце, каб я прайшоў там ноччу ў цемры? Ёсць замінаваныя масты, ёсць камеры, беспілотнікі з цеплавізарамі, ёсць схаваныя назіральныя пункты. Калі б я ні з кім [ва Узброеных сілах Украіны] гэта не ўзгадніў… Я думаю, мы былі б проста знішчаныя».
Нікіцін расказаў, што ў аперацыі ўдзельнічала каля 45 чалавек, многія з іх, паводле яго, — члены партызанскай падпольнай сеткі на тэрыторыі Расіі.
Ён таксама паведаміў, што ў адной з вёсак сапраўды адбылася перастрэлка, але, паводле яго слоў, яму нічога не вядома пра ахвяр сярод мірнага насельніцтва.
«Яны [улады РФ] адчулі, наколькі яны безабаронныя. Мы бегалі і працавалі ў прымежнай зоне, якая павінна быць пад найстражэйшай аховай… Галоўнае было нагадаць расіянам… Вы можаце і павінны брацца за зброю. Мы падтрымаем усіх, хто хоча адхіліць гэтых крамлёўскіх узурпатараў ад улады», — сказаў ён.
Чытайце таксама:
Што адбываецца ў Бранскай вобласці пасля нападу дыверсантаў
Дзіўныя несупадзенні ў гісторыі пра «дыверсантаў» на Браншчыне
«Нас на гэтай задачы было 45 чалавек». «Важныя гісторыі» пагутарылі з адным з байцоў «Рускага добраахвотніцкага корпуса»
«Бойцеся сваіх партызан». У офісе прэзідэнта Украіны пракаментавалі сітуацыю ў Бранскай вобласці
«Паднімайце бунт». Адказнасць за падзеі ў Бранскай вобласці ўзяў на сябе «Рускі добраахвотніцкі корпус»
У розных гарадах Расіі — выбухі, атакі беспілотнікаў, нават «пранікненне ДРГ»
Цяпер чытаюць
Ніводзін лукашэнкаўскі СМІ і канал не выкарыстаў слова «рэтранслятары». Што гэта можа азначаць?26
Каментары